زواج غير السودانيات مع ولا ضد

نقدر نستأذن من الشباب بدخول منتداكم الخاص والرد؟

بنت النور كتب:

نقدر نستأذن من الشباب بدخول منتداكم الخاص والرد؟

كدى خلي واحد يقول ليك لأ...!!



ارتب افكاري واجيك يا Majestic..!!

شكرا لكم لاستضافتي وعفوا .....



مدخل........
استفسارك سيدي مشابه لسؤالي في احد المنتديات من حيث الفكره ...مخالف له في المضمون
فانا طرحته من باب زواج الفتاة السودانيه بغير ابن بلدها ....متمردة على كاتب الاغنيه(سودانيه تهوى عاشق ود بلد).....والى الان لم اجد اجابة شافيه.........


(اني واي)..
دائما عندما نتعمق في سؤال نحن نمنحه مجاله الكامل في القراءه..والكتابه ...ولكني مخالفه فسأحاول ان اختصر..
في نقاط..

1- من حيث المنظور الاسلامي.....مباحا...الا اذا خرجت عن دائرة اهل الكتاب .................(خالصين على كدا)

2- من حيث المنظور الاجتماعي...يبقى الرجل اجرأ من الانثى وله امكانات بكمية اكبر في اختياراته.....
نظره جانبيه على المجتمع السوداني.....بصفه خاصه....فهو مجتمع (معقد) نوعا ما ...(مقيد) بين زوايا التقاليد..
الرجل السوداني لا يرضى في زوجته ما قد يرضاه غيره!!!فان خالفته من لا وعي لها بتلك التقاليد>>>>>كارثه
وانواع المخالفات كثيره!!!!!!!!!!!
اخرها...سوء تفاهم.............طلاق..........ثم(منحت المحكمه بحق رعاية الطفل لوالدته) ...واطلع منها بقى...وشوفلك مكان.!!!(يحليله ...لا بيت...لا ولد)
او في اخف الحالات....سيبقى الطفل معلقا بين مواريث عقليه وافكار مختلفه متشتتا بين هنا...وهناك...
خصوصا ان كان هذا الطفل يحمل في اخره(تاء مربوطة) فهنا تصبح نتائج الموضوع ............بالضعف....(!)
والمعنى واضح مش كدا...
وحتى لا اقفل الباب واوصف بالمتشائمه ....قد تنجح في بعض الاحيان مثل هذه الزيجات.....
اي...
يا صابت....يا خابت.....انت وتنازلاتك.....




لكل من (زاغت ) منه فكره كتبتها.....مستعده للتوضيح (معليش بحب الكلام التحت السطور ومخفي )
ومتابعه اكيده ......شكرا ماجستك اولا واخيرا على طرح الموضوع.......سأستمع....واستمتع..








مخرج....في نهاية الحلقه اهديك اغنية (بودعك يا الضنى) ......تحت عنوان زواج الاجانب..نتائجه وعواقبه......في نطاق الموضوع برضو

i`ll come back to you ya bit alnoor

والاكيد انا في انتظار ملاحظاتك.....ان عدتم عدنا...

شباااااااااب انا عايزة ارد برضو لو ممكن يعني


لكن ما اسي بجيكم بكرا بالرد (طبعا بعد ما مملكة الجنس الخشن ديل يخلوني ارد )

واقعدو بعافية لحدي ما اجيكم بكرا

وكل سنة وانتو طيبين وعيد نبوي شريف وسعيد عليكم

انا جيت تاني

يلا انا في رايي

عادي جدا ممكن تحصل ويعيشو الزوجين في سلام وامان وين المشكلة

وزي ما لي الزواج ده حالات ما كويسة
فاغلبيت الحالات ناجحة والحمد لله

وبعدين مافي حاجة بتفشل الا بي سبب وانا في اعتقادي السبب ده هو واحد من الطرفين
كل واحد بشوف روحو على التاني وتصرفات نحنا في غنى عن زكرها اسي

وانا صح قلتا انا مع الزواج ده

لكن في حالات واهمها المرة تكون مسلمة ولا مافي داعي من اصلو لي شحتفة الروح وتشريد الاطفال بدون سبب بين كده وكده واطفال راجل مسلم تربيهم وحدة ما مسلمة ده اسمو كلام فاضي وقلة شغلة

واكيد لو كانت مسلمة مافي مانع وكفاية انها بتخاف ربها ومدام بتخاف ربها فحتراعي حقوق الزوج اللي بفرضا الاسلام وحتراعي حقوق الزواج وحقوق اولادها وحيكون في قلبها في حنان على اولادها
انا ما بقول انو الغير مسلمة ما كده لكن برضو الناس انواع


وفي اخر الكلام
هو اصلا يمشي يعرس غير السودانية ليه (ده السؤال المفروض ينطرح )

يعني ما مالية عينو ولا ما في بت عاجباهو اصلا السودانيات ديل من اكبر وحدة لحدي اصغر وحدة مافيهم وحدة شينة ولا عليها كلام
بس العيب مافي البت العيب في الولد العميان الما بشوف
والله ده ما موضوعنا لما تعملو لينا بوست عن سؤالي ده انا بمنطقكم في الموضوع ده جني وجن الغلط الزي ده

جكس حبيبو شرقتيني والله من الضحك انا اخير اشوف لي حتة اضحك فيها قبل ما انطرد من هنا

بنت النور كتب:

جكس حبيبو شرقتيني والله من الضحك انا اخير اشوف لي حتة اضحك فيها قبل ما انطرد من هنا

يا قلب اهم شي ضحكتك دي

بس اضحكي وكدي خلي زول يفتح خشمو معاك

Majestic كتب:

اقتباس :

السودانيات ديل من اكبر وحدة لحدي اصغر وحدة مافيهم وحدة شينة ولا عليها كلام

لا تعليق

اظن الحكاية (بالاضافة الى حكاية النصيب وخلافو) . . .مرتبطة بالذوبان. . .

قولوا لي كيف. . .. .ايواااااااااااااا قلتوا لي كيف

اعتقد الراجل ومرته لو ما من جنسية وحدة (عموما) اذا وصلوا الى مرحلة تنصهر فيها ارواحهم مع بعض . . .تذوب كل المعوقا من تقاليد وعادات و اي عارض ممكن يكون سبب في فشل العلاقة لاحق. . .

ومالم يصل ال (جوز) لهذه المرحلة في العلاقة فالزواج في هذه الحالة مغامرة كبيرة غير مأمونة العواقب


ويختلف الموضوع في حالة كان الزوجان من جنسية واحدة (بالذات السودانية) فاحتمال فشل العلالقة في هذه الحالة لا يعتمد بدرجة كبيرة على (مدى انصهار أرواحهم) كما كان مؤثرا في الحالات الأخرى




ت:

لمن ما عرفتا روحي

بنت النور كتب:

Majestic كتب:

اقتباس :

السودانيات ديل من اكبر وحدة لحدي اصغر وحدة مافيهم وحدة شينة ولا عليها كلام

لا تعليق

لكن برضو

وتاني

اقتباس :

انتي بتلبسي نضارة؟

حتتتتتتتتى انت يا بروتس

راجنك يا ايهاب بالرأي عشان القضيه بقت....حرب اال ايه اال.............. حقو افكهم فيك هسي يا ماجستك

يا بنت للنور انا مع زواج غير السودانيات,وانت عارفه ليه,اظن كلامى منطقى جدا,لماذا عزوف الشباب السودانى من الزواج؟ البنات عارفين الجواب كويس جدا

اخي المحترم ماجستك وجهة نظرك على عينا وراسنا من فوق وانا نفسي معاك بالنسبه لمشكلة عزوف الشباب عن الزواج ..غلاء المهور الخ من مشاكل ما جايه هنا انا عشان اتكلم عنها بس حجم التناقض بيبقى في حتة الشاب السوداني (مشتري دماغو) ووالله انا عاوز اتزوج من بره اوفر واريح لي لكن البت السودانيه لو جات عاينت ومدت راسا وقالت(طب احنا برضو)بيقطعو ليها نفس الشاب القال بيعرس من بره دا حلال عليهم حرام علينا والا ايه