اسمي مروة ..؟!

!!!اسمي مروة!!!


يا ربي أمي دعت لي
ولا ده نصيبي من السما
يوم لاقيتك في المكان داك
جمب كفتريا الجامعة
كان أجمل يوم ومن عمري ما أتنسى
قابلته حبي الفي طلعتو زي طلعت القمره
عاينته في عينو الدنيا ما ساعتني من الفرحة
الحبيب الوقعته في حبو
من أول يوم وقلبي بكى
ده يوم المنا وكانت أحلى بكية
كنته بس دايرة الزمن يقيف شويا
ويخليني ثواني مع أجمل هنا
وأقدر أقول ليهو الكلمه ديك في ساعتا
وتولع في قلبي ابرد نار عرفتها
!!!!!!!!!!!!!!!!!!!!!!!!!!!!!!!!!!!!!!!
وفجأة حصلت حاجة ما متوقعة
حسيت بي ناري الباردة زادت حرارتا
ولون حبي الزي لون الدهب
بقى لي زي لون الفحما
واتلخبط حالي ودمعتي سالت من عيني المكحلة
وكتبي في الارض مجدعة
وهدومي كنته دايرة اقطعا
رجعت البيت ما شايفة شي غير السواد
جات صحبتي ولقتني في الحالة ديه
قالت لي مالك يا مروة
قلتا ليها اتعكست علي والحبيب عفا
اتاريني مشيت ورى سراب و اتخدعته
مشيت ليهو ولهانة زي وله الجنا
بيديني غطيت عيونو وقلتا ليهو منو انا؟!
تخيلي قال لي..........

اهلا بحبيبتي سهى !!!؟؟
!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!
وأنا اسمي مروة .............؟؟!!؟
وووووووب علي أنا و أحييي أنا
و يا مغستي على حبي الضاع في الهوا...

ها ها ها ها ها ها

معقوووووووووولة

شيكتي .. على إسم الدلع ؟؟ ( النك نيم ) يعني

كلماتك جميلة وأحسها خرجت منك بعفوية
تكتبين باسلوب السهل الممتنع.. وهذا الأسلوب يرى من السهل كتابته
ولكنه في الحقيقة صعب ولا يجيده الكثير
تسلمي