مشروع سؤال تاني.......علاقة الرجل السوداني بالرومانسيه

مرحبا بي في عقر داركم(دي معناها لو مافي بت ساعدتني بنطرد Laughing

)....
الرجل السوداني والرومانسيه..........
على قدر ما حاولت ان استجمع فراستي حتى اعرف نوع العلاقه على قدر ما صدمت بالفشل......
احيانا اجد الرجل السوداني (على غيره) ....يفتقد ابسط حواس الرومانسيه....ويشبع قاموسه من (قومي يا مره) .........(سوي يا مره) ....................

(نص ممنوع من العرض Mad

)
واحيانا (ينكشح) عن بكرة ابيه في الرومانسيه فيحولها لفنون(الحنك) .........
فما الذي يجعل الرجل السوداني( يخجل) من ان يمسك يد زوجته في الشارع مثلا......وما الذي يجعله ينخرس اذا ما حاول ان ينطق كلمة(بريدك) ..........
ما علاقة الرجل السوداني بالرومانسيه اهي علاقة توازي ام هناك مجال ان يجتمعا في زاويه؟
اهي علاقة خجل مفرط ام عدم اهتمام بحقوق تلك المسكينه المهضوم حقها؟
استفساراتي كثيره جدا........فسأتركها لعامل ردودكم .

والله انتي؟؟

دقيقة بس...!!

دقيقتك خلصت

هالو..

يا بت النور انا حا تشاكل معاك هنا شوية..( لو سمحتي )

راي شخصي: الرجل السوداني من اكتر الرجال رومانسية..

بس في عوامل محددة بتمنعوا من اظهارها ( علناً).. مع انو بيقدر شديد يظهرها

اذا لقى جو مناسب للاظهار..

العوامل دي منها الدين.. اللي بيحدد علاقة الرجل بي زوجته في الشارع(مثلاً) زي ما قلتي انت..واللي بيفرض عليه مراعاه شعور ( العزابة) بتشديد الزاي..

ومنها صفة الخشونة المرتبطة بالرجولة ( عندنا وعند غيرنا من الشعوب)..!!

وصعبة تلمي الخشونة مع الرومانسية (علناً برضو )..

أنا شخصيا(ود الموية).. ضد الرومانسية العلنية,, بشوف انو إعلانها بيبتذلها.. وبيشوهها

بجيك راجع لما اجمع اكتر في موضوع (الرجال ديل)

بس تعالي هنا يابت..

يلا اتشاكل معاك..

انتو يعني الرومانسيين خااالص..؟؟؟

إذا إتكلمت معاك بي نفس المنطق..

متين البت كانت بتطلع كلمة قبل ما الولد (عينو تطلع) عشان تطلعها ليه..

انا بتكلم عن البت(مطلق) والولد (مطلق).. ما اي بت ممكن تقول اي كلام وخلاص

ولا اي ولد عامل الحكاية موضوع بس..

اكتر ناس (بي نفس المنطق ) بيبهدلو الرومانسية ويخلوها (شحدة) من الولد

هم انتو يا ناس بنات حواء

بجيك تاني برضو بعد ما اعمل لي شوية ( عضلات)..

شكلها الشكلة حا تولع هنا ( وانا مديدتي الحاااارة جااااهزة)..!!

ايواااااااااااااااااااا..................ختيت نفسك في حتة محتاجنها...........ايه هو الجو المناسب المحتاجو الرجل السوداني..............علشان ما يحاول يبين رومانسيتو(الموصوف بانو يملكها اكتر من غيرو دي)......
وايه هو شعور العزابه ديل.........الغلط وين دي مرتك والا سارقا؟
بالنسبه لينا احنا.............قلتها........................(بت)
شفت ليك بت بتقول ليها لي واحد(بحبك) ولو حتموت عليهو؟(قبل ما يبدا هو)
لانو البت دي حاجه من صفاتا........يعني الليله ما ممكن يجي واحد يقول لي اتقدمي لي.........ولو في انسان بحبو لو يكسر رقبتو ما اقول ليهو بحبك كدا من باب للطاق
بعدين ما بنبهدل الرومانسيه على قولك............بس طبيعه البت حساسه..........وبتهتم بالبتقال ليها ودرجة العاطفه فيها اضعاف الرجل ........(مادايره ليها اتنين تلاته Very Happy

)وممكن تقول طماعه....كل ما قلت..كل ما طالبت بالمزيد
ثم صفة الخشونه...............ما علينا احنا لكن......رفقا بالقوارير......
بعدين.........عزابه بالضم دي ما وقعت لي scratch

يخواني زول ينادي لي بت بيجاي شكلي ختيت روحي في موقف بايخ شديد Laughing

معليش صلحتو(بتشديد الزاي)

ياخ قلت ليك خليني اربي لي (عضلات) واجيك..

انا ذاتي يا شباب ( النجدااااااااااااااااااااااااااااة.. )

اقتباس :: اربي لي (عضلات) واجيك

يا زول صلح دي زاتا عشان ما اخد دليل ادانه

علاقة الرجل السوداني بالرومانسية زي علاقتي بسف الصعوت Very Happy

cute كتب:: علاقة الرجل السوداني بالرومانسية زي علاقتي بسف الصعوت

أول مرة أعرفك سفاااااااافة وكييييفة للدرجة دي..!! Shocked

بتشتري من وين؟؟ Laughing

الجمري

cute كتب:: علاقة الرجل السوداني بالرومانسية زي علاقتي بسف الصعوت

بنت النور كتب:: ايواااااااااااااااااااا..................ختيت نفسك في حتة محتاجنها...........ايه هو الجو المناسب المحتاجو الرجل السوداني..............علشان ما يحاول يبين رومانسيتو(الموصوف بانو يملكها اكتر من غيرو دي)......
وايه هو شعور العزابه ديل.........الغلط وين دي مرتك والا سارقا؟
بالنسبه لينا احنا.............قلتها........................(بت)
شفت ليك بت بتقول ليها لي واحد(بحبك) ولو حتموت عليهو؟(قبل ما يبدا هو)
لانو البت دي حاجه من صفاتا........يعني الليله ما ممكن يجي واحد يقول لي اتقدمي لي.........ولو في انسان بحبو لو يكسر رقبتو ما اقول ليهو بحبك كدا من باب للطاق
بعدين ما بنبهدل الرومانسيه على قولك............بس طبيعه البت حساسه..........وبتهتم بالبتقال ليها ودرجة العاطفه فيها اضعاف الرجل ........(مادايره ليها اتنين تلاته )وممكن تقول طماعه....كل ما قلت..كل ما طالبت بالمزيد
ثم صفة الخشونه...............ما علينا احنا لكن......رفقا بالقوارير......
بعدين.........عزابه بالضم دي ما وقعت لي

يخواني زول ينادي لي بت بيجاي شكلي ختيت روحي في موقف بايخ شديد

ايوااااااااااااااااااااا انت دي Mad

اولا الجو العاوزو (محمد احمد) ده

عاوز جو يكون هو زاتو رومانسي!!!!

ما جوطة ولخمة ناس.. وهو يقعد يثبت للجميع انو بحب (مراتو) دي شديد!!!!

هو بيحبها هي بس..!!

يبقى ما في زول مهم يعرف حبو ليها ده ... غيرها هي.. وبس.. الباقي يقع البحر Laughing

شوفي ارتباط (المرة) السودانية بي راجلها قدر شنو..!!

تفتكري انها ذليلة للدرجة دي؟؟ .. رامية نفسها على زول ما بعرف يعبر عن حاجاتو ؟؟

دي براها ممكن تثبت ليك انو الرجل ده بيعاملها كيف..

مع العلم انو فكرة المقاطعة او الطلاق إذا هي ابدت استيائها منو .. عندنا ما كبير خالص

زي باقي الشعوب.. يعني المطلقة عندنا ما زولة مرغوبة شديد.. بس عند اغلب الشعوب

بتبقى زولة منبوذة خالص

والطلاق زاتو عندنا ما بالساهل.. الرجل بيراعي الف حاجة قبل مل يقرر القرار ده

القول: نسوانا ما خايفين من رجالنا!!!.. ولو كان في تقصير (على مستوى الرومانسية) ما عندهم سبب

(يتعلقوا) للدرجة دي بي ازواجهم..!!

تانيا بالتبادي:شعور العزابة(بتشديد الزاي )

شعور الناس ديل(نحن cheers

) بالحرمان .. وتفكيرنا للحصول عليه قبل ما يبقى حقنا(لضيق ذات اليد)..!!

والكلام ده موجود في الدين: حادثة مشهور لي (عمر بن الخطاب-رض-) انا ما متذكر تفاصليها بس..

اذا اضريت بجيب التفاصيل دي Wink

تالتا موضوع انكم (بنات)

ياخ ليه ما تقول Mad

المشكلة وين؟؟

ماهي برضها مشاعر ومفروض تتطلعها.. ولا لازم نحن عيونا نطلعها قبل ما تتطلعها.. Sad

وإذا كنت انتو مجبولين على الخجل؟؟(وده اجمل شي) نحن برضو الصفة البتفرقنا منكم هي(الخشونة)!!!!!!!

وما تتقدمي لي(انامش مليون مرة قلت ليك انا مرتبط؟؟ lol!

)

ما حا اقول ليك اتقدمي لي.. بس اديني ثقة في نفسي وفي حاجاتي عندك عشان انا اتقدم ليك..!!

احنمال زاتو نحن بنكون ما رومانسيين(على قولك) لانو انتو بتذلونا بي رومانسيتنا دي..مش ممكن؟؟

ياخ الشباب طوااالي في حالة (هناية)دي غاشاك ساي وبتلعب بيك!!

مش انتو القاعدين تقولوا (واحد في الصف وواحد لللف وواحد في الرف... الخ..؟؟)!!

أخيراً-وليس اَخراً- أيوة يا سيدتي.. ممكن اقول طماعة..!!

ودي ما صفة صغيرة وهينة.. فيها انانية وفيها استغلالية وفيها مليون صفة ما حلوة..!!

المشكلة انكم بتتاطلبوا بالمزيد وانتو اصلا عاملين الموضوع احتياط(احترامي ليك) بس البنات 70% منهم كده

اسالي اي ولد بتعرفيهو.. اذا ما هو شوفي عندو كم صاحب ماخد (شاكوش)..لانو كان احتياطي اذا ما جا عريس لقطة..!!

موضوع عريس لقطة دة براهو مفروض يخليكم تاني ما تتكلمو...(لقطة) .. يعني شنو؟؟؟

زول ما بيعرفوهو واول مرة يلاقوهو .. بس جا البيت وعندو مميزات مالية(يمكن) خلتو يكون

احسن من (المبهدل) المضيع سنينو معاها...!!

معليش حا اضرب مثل بي زولة بعرفها:

جاهم عريس.. وقال الناس وصفو ليهو البيت ده فيهو 4 بنات. وجميلات(ده الوصف بالجد كان كده)..!!

والمصيبة كلمهم انو اذا ما وافقوا .. في نفس الحي موصفن ليه بيت تاني فيهو بتين برضهم متعلمات وجميلات

فإذا هم ما وافقوا.. حا يشوف البيت التاني ده..( والكلام ده في مدينةكبيرة-برة الخرطوم)

والاسخف.. انو قال هو لازم يرجع الخرطوم.. فاذا هم وافقوا.. مفروض يكلموا الزولة الوصفت ليه من البدية..!!

قصة حلوة صح؟؟؟؟

وافقوا يا يت النور...

والله ما عدوا يومين في الرد.. تاني يوم رسلوا ردهم مع الزولة(الخاطبة)!!

عارفة ليه؟؟ العريس دكتور.. وشغال في دولة اوربية غنية.. Evil or Very Mad

تقدر اي بت في الدنيا تسمع القصة دي تتكلم عن الرومانسية تاني؟؟

والله القصص بالكوم.. انا ذاتي فكرت اخلي الهندسة دي وابقى كاتب cheers

والله كتاب حا يتباع في العالم كلو lol!

اسمعوا: انا فترت من الكتابة.. Sad

.

بجي تاني .. bounce

بقيت نقنااااااااااااااااااااااااااااااااااااااااااااق Mad

ده العرفتي ليه؟؟؟

ياخ انا بتدرب لي شهر

هسي انا مفروض ارد ليك مش Rolling Eyes

وحده وحده.........بالله اسمك محمد احمد؟اتشرفنا Very Happy

مسألة مرتو(المزعلاك دي)...............انت راجل..........فما حتفهم شعور المره دي.......لو(نططت) Very Happy

وقلتها ليك فووووق كل ما تقول........بنقول هل من مزيد........يعني لو ما شعرت بانو (مدلعها) قدام الناس.........(الاكتريه) وشوف كلمة الاكتريه دي ........زما حتحس انو بجد بحبها...........

انتهينا على كدا Very Happy

شعور العزابه...........يعني من اخرو............شعور حسد(لانو معليش فكري متخلف وما فهمت كلامك غير كدا) Rolling Eyes

موضوع احنا بنات........الليله اختك لو مشت قالت لي واحد انا بحبك...........ساااااااي كدا بس شعورك شنو؟
بعدين بي قصتك دي.............رجعتنا لي بوست ماجستك(المختفي) Very Happy

وتاااااااني رجعنا للنقطه بتاعت اسباب عزوف الشباب عن الزواج والاهتمام المادي........

كفاك Very Happy

محمد احمد ده رمز للسوداني يابت.. Smile

ومع احتراي تاني.. بس المرة العاوزة حب قدام الناس دي ما عازوة حب.. عاوزة تتبوبر وتتفشخر بي

راجلها ساي بس..

اجمل انواع الحب واصدقو.. هو البيكون بين شخصين بس .. سر.. وما هاميهم العالم..

والعزابة شعورهم ما حسد..(حوجة ونقصان مشاعر)..!!

ولو دي مابقدر افتي ليك فيها لانها مبنية على افتراض جدلي.. بس هي طلعت واحدة منكم(بت يعني) Laughing

ت:الله يخليها لي...-هوووي يا بت الموية انتي-!!!

اها واتذكرتي شنو Very Happy

دايما بقول انو الرومانسية في فهمي المتواضع ما مسكة يد ولا كلمة حلوة

بدليل انو في بنات بسيحو في الواطة زي التلجة لمن (يشخط) فيهم حبيبهم أو من يحبون

الرومانسية هي انك تعرف كيف تخلي من تحب سعيد

وليس بالضرورة ان تكون الطريقة وااااااااااضحة شديد

يعني ممكن كلام عادي جدا يكون رومانسي

عشان كده أنا ماشيايف الراجل السوداني ما رومانسي

لكن بس رومانسيتو ما بتشبه بتاعت الأفلام والمسلسلات

وده في رأيي تميز

بنت النور كتب:: شفت ليك بت بتقول ليها لي واحد(بحبك) ولو حتموت عليهو؟(قبل ما يبدا هو)

زمان

واحد صاحبنا كان خالط ليهو بت في الجامعة

والبت مكسرة فيهو

وهو ماجايب خبرا

قامت المطرة بدت تنقط

وبعد شوية المطرة زادت

قام قال ليها (دي شكلها جادة) يقصد المطرة طبعا

صحبتك سمعتها غلط قامت ردت عليهو: انت جادي برضو؟ أنا والله زاتي جادة . . .انا من زمان بحبك و و و . . . lol!

اقتباس :: ما مسكة يد ولا كلمة حلوة

الاول دا فهمتو يا ولدنا...............لكن الكلمه الحلوه دي وقفت لي في زوري...........كيفن يعني ما كلمه حلوه.......الليله لو قال ليها افتراضيا(متخلفه والا هبله والا خلافو) دا على اساس بهزر معاها Very Happy

دي رومانسيه يعني؟ scratch

اقتباس :: يعني ممكن كلام عادي جدا يكون رومانسي

برود

امكن وجهة نظر............واحتمال اي الرومانسيه ما انك تبقى قيس وليلى وتنطلقوا في الشوارع..........لكن مرات برضو اساسيات بسيطه بفتقدها السوداني......يعني انا مشيتي السودان شفت كمية بشر كدا عاملين بحبوا ورومانسيين Very Happy

ووحاتك الاحساس الجاني انو ديل من كلامهم سوا و(شكلاتهم) الرومانسيه دا ما مرت بي شارعهم زاتو Rolling Eyes

فاهمني والا هناي انا ما قادره اوصلها مش Very Happy

ثم زولتك دي مكشوح فيها جردل خفه عالي الجوده

صباح الخير !

بنت النور ..

دا كلام شنو يا بتنا ؟؟

===

بدءاً أحب أحييك وكل الناس المرت وعملت تعقيب على موضوعك ..

وزي شايف .. المسئلة بقت .. ( متسعة ) خالص ..

===

ردي .. كالعادة ممكن يكون غريب ..

لكن سؤال .. شنو نوع الرومانسية المطلوبة من الرجل ؟؟

يبدو لي إنو .. المشكلة .. ما هي مشكلة رجل .. أو مشكلة إمرأة ..

ليه ؟؟ .. لأنو يمكن المنتدى الوحيد اللي إتناول جانب عدم رومانسية الرجل ( بس هنا ) !!

أما في معظم وغالبية المنتديات كان الكلام عن عدم رومانسية ( حواء ) !!

عموماً .. وجهة نظري .. المتواضعة ..

إنو في إشكال في الإتنين ..

المرأة بالمقام الأول .. نشأتها .. السودانية تحديداً .. حاجة غريبة ..

ومنحصرة في حقبة تاريخية .. أصبحت موروث تورثه كل أم لبنتها بنفس الميثاق مع والدتها وجدتها !!

يعني نفس الكان بيحصل قبل 200 سنة أحبت أن تنقله حواء عبر الأجيال ..

البوح مشكلة كبيرة .. وكذلك فهم الحياة .. من خلال منظور غريب .. الفكرة عن الممكن والما معقول

تختلف أختلافات طفيفة بين فتاة وأخرى ..

ولكن ..........

عودة إلى أساس الموضوع ( الرجل ) حسب طرحك بالبوست

الرجل .. لا يخلو من تناقض .. كما لا يخلو من رومانسية ..

دائماً الرجل ( مواجه ) بسؤال .. نفسي مؤلم إلى حد ما .. كان أحد أسباب فشل قيام جسور الثقة

في مجتمع يجمع الرجل والمرأة .. والسؤال دا هو .. ( ترضى لأختك أو أمك .. كدا... ) ؟؟

حاجة تحير !

الإنسان السوداني برجاله أو نساؤه .. عندهم مشكلة كبيرة إسمها ( فصل الإمور ) ! عن بعضها ..

الرومانسية بالتأكيد .. موجودة عند الرجل وموجودة عند المرأة .. لكن المصيبة إنو مفهوم الذكور شكل

ومفهوم الإناث شكل تاني ..

الإنفتاح على الثقافات والحضارات .. وسلوك المجتمعات عبر البلدان .. أكسب الإنسان السوداني

مفهوم عن الرومانسية .. وبالتالي حاول تطبيقها على واقع الشيئ الذي كان يمثل خطأ لا يستهان به

في مستقبلات النفس السودانية ..

وللتوضيح .. كان من الصعوبة بمكان إطلاق ثقافة رومانسية ذات طابع معين .. وإهمال الأساس

في التركيبة النفسية .. سواء للمرأة بالذات .. أو الرجل

معالجة الفطرة .. شيئ هام .. لتمهيد إستقبال أي تطورات أو مفاهيم .. جديدة تطرأ على مشاعر أو أحاسيس

=====

أرجع وأقول .. إنو الإنسان السوداني عموماً محتاج .. مع كل تطور يطرأ في أي مجال ( نفسي ) !

إلى تحضيرات توعوية .. هااامة ..حتى يستطيع إنو يعيش معاها بدون مشاكل أو ( سقوط ) !

====

في إحتمال للعودة

لكم ودي

كونوا بخير !!

........................................................................

وصدقني..........كنت في انتظار الرد دا............وجاء حسب ما توقعت........

ونبقى باحتمالية.................

ان يزيل الانسان السوداني القليل من غبار الموروث (ما لا يتماشى مع اسم اليوم)...........فقد نستطيع ان نرى لمحات لرومانسيه تستنجد للخروج.........

المبارة سخنت Very Happy

انا غايتو بقعد اتفرج ساي. مالنا و مال السياسة

cute كتب:: المبارة سخنت انا غايتو بقعد اتفرج ساي. مالنا و مال السياسة

كلللللللللللو كوم يا نفيسه وناسي انا الهناك كوم تاني............بره بره......سجمي خالس Laughing

يا بنات ..

تسجيل حضور !!

واعتزارات بالكوم !!

مشتاقوووووون حقيقي !

العسل 28 كتب:: يا بنات ..

تسجيل حضور !!

واعتزارات بالكوم !!

مشتاقوووووون حقيقي !

بعيد عن خارج مدارات الشوق والتي لا نعلم لها حدود بعد.................اعتذارك للضيوف وانت صاحب الدار يوضح الكميه الذوقيه التي تتمتع بها..........فشكرا لك

بنت النور ..

قدر ما حاولت ..

أقابلك ( بلا خجل ) إلا إنو ...

غلبني تب .. Embarassed

====

تسلم ( البطن الجابتا ) santa