إعــــــــــــــــــــلان..

سلاااااااااااااااااااااااااااااام..

من بعد التحيه..

عايزة اعلن عن مسابقه.للخواطر..

بصورة سريعه وبسيطه كده..

هي مجموعه خواطر تكون من كتابتكم..بتنزل بدون اسم صاحبها..بس بتكون برقم يميزها

بيتم التصويت من قبل المشتركين والغير مشتركين..ويتم ترشيح افضل خاطره..وحنتوج صاحبها..


شروط المسابقه..واعذروني..ما ح اتساهل فيها لو بس شرط واحد ..

1-تكون الخاطره من كتابتك انت..يعني المنقول ممنوع..

2-يسمح للمشترك بخاطره وحده بس لاغير..

3-توصلني المشاركه في رساله خاصه..وبعدين بتنزل في البوست الجديد عن طريقي..

4-للمشترك الحق في التصويت لمشاركات المشتركين الاخرين..من غير ما يصوت لمشاركتو..


...
بس يمكن دي الشروط الحاليه..

انا في انتظار مشاركتكم..

..
وللمشرفين على القسم المشاركه..وانا اولكم..

طيب هل في عنوان محدد للخاطره دي؟وبعدين شعر ما مسموح

لا اي موضوع...اوك عشانك..شعر مسموح

بالجنبه كده..
ازيك يابنيه..مشتاقون

أها والمواعيد كيف؟

مواعيد الاستلام..من هنا لاسبوع تقريبا..

يعني 10\5

اخر موعد للتسليم..

اما مده المسابقه بتكون بعدين ان شاء الله..

انا تمام لو انتي تمام


يازوله خلاص بنتفق بي بره

يلا انا في انتظار مشاركتكم..

بجيكم كل يومين كده اشوف الحاصل..

بت النور..كويث

.
.
يلا سلام..دعواتكم

صمت الوجدان ..


لك التحية ..

شكلي كدا جاي بعد إنتهاء العد التنازلي !!


لكن .. بحاول ألحق عنب اليمن

لو راح علي بلح الشام !!


صمت .. سيدا .. بنت النور

لكم أرق التحايا !!

الليله 10 وانا زااااااااااااااااتي يا عسل28 ما قدمت حاجه يا صمت الوجدان نطمع في التمديد حبه؟(معليش الواحد جايط )

أغرق أغرق أغرق أغرق أغرق أغرق أغرق ...

ياااااجماعه بالعربي....متأسفه..

يابت براحه المده طويييله اسبوع كامل..بس عشان احنا تعاملنا بالعربي..

الليله 6 بالعربي..والمده ح امددها عشان عيونك..الين 15 بالعربي..

كويس معاكم...؟
.
.
العسل..وليك التحيه مني..
.
.
ود المويه..كلامك ألغاز..

سلااااام.بعد غياب..

صراحه انصدمت لمن مالقيت ولا ظل مشاركه..

لو طبيعه الفكره ما نالت الاعجاب..او الاهتمام..انا حاضره في اني الغيها..

ومنتظره منكم رد..

لا لا لا ما تلغيها الفكرة حلوة شديد ....

لكن بس الصبر ...الجماعة ديل اكيد مشغولين وحات الله ..

انا زاتي.. لكن ما قربت الاجازة ...لو قدمتيها للحدي الصيف تكون احلى مسابقة واحلى مشاركات

اقتباس :

للحدي الصيف

يعني شهر كم كدا؟....................انا زاتي ما قدمت.......على فكره ممكن المشاركات نديها لشاعر رايكم شنو؟

بنت النور كتب:

اقتباس :

للحدي الصيف

يعني شهر كم كدا؟....................انا زاتي ما قدمت.......على فكره ممكن المشاركات نديها لشاعر رايكم شنو؟

خلوها في نهاية
جوون شهر ستو كيف معاكم

نا بخلص على يوم 4/7 ان شاء الله.....لكن لو صمت الوجدان وافقت بنعملها وقتكم انتو

انا بخلص في 27\6 هـ....شوفوا الوقت الي بيناسبكم ونتفق عليهو...

وبالنسبه لاقتراحك يا نمارق حلو...بس نلقاهو وين..

ويابت يامها..تعالي هنا..مختفيه كده مالك...ولا عامله تقيله..

اقتباس :

27\6 هـ

اعربي ما مضى يا بتنا عايني دا بالهجري مش؟كديبالميلادي كم يعني


بنلقاهو

اعرب شنو يابت............؟

تقريبا 5\7 تقريييييبا..

صـ مـ الوجدان ـــتـ كتب:

انا بخلص في 27\6 هـ....شوفوا الوقت الي بيناسبكم ونتفق عليهو...

وبالنسبه لاقتراحك يا نمارق حلو...بس نلقاهو وين..

ويابت يامها..تعالي هنا..مختفيه كده مالك...ولا عامله تقيله..

تلقوهو وين كيف ...

انا اكبر شاعر في ما وراء البحار...






ت: متوفر في الاسواق من بداية 6

الزول دا شاعر شاعر بشنو اي دوننو لكن كتاباتو سمحه بالحيل والله........وراجنك يا شهر 6

شاعر شنو انت كمان ...

بالمناسبة الشعر واغلب الأدب عبارة عن (إستفزاز) للاحاسيس ..!!

وإذا ما كانت كتاباتك مستفزة .. ما اظن كنت اعرف اكتب حاجة انا ..!!

هى با جماعه أن شكلى كنت نايمه ولى شنو الحاصل

بالمناسبه الفكرة جهنمية لحد لا يوصف
وبعدين دايرة لى زول يتبرع يفهمنى حاجه من الورجقه الكنتوا بتورجقوها دى

اها يا الوية قلتي شنو... شايفا الجماعة متحمسين للفكرة ...

بالجنبة : قال تقيلة قال ...تقيلة غصبا عني والله ...امتحانات ومشاريع زي المشاريع بس ادعي لي ...

..انتي كيف امتحاناتك ...شايفاك السمستر ده ما زي الفات ...قاعد تلعبي كتيير ... كلو منك يا لمبة ..انتي ما عارفاها
...زولة مدرسة ...وكمان ممتحنة

انا ماعندي حاجه اقولا تاني..مافي مشكله نخلص امتحانات ونبدا الحكاوي دي كلها..

كان نفسي ارتبا واشارك معاكم..بس مادام بعد الامتحانات..يكفيني اني اعدها ليكم وخلاص..

والله يا مها الله يوفقك ياااااااااارب ويهون ليك بس قولي امين..

وييين العب..شهر كنت محبوسه انا..افراج مؤقت..ونرجع تاني..

دعواااااااااتكم بس..

******
تماضر صح النوم..تعالي افهمك انا..

عايزين نعمل مسابقه للخواطر والشعر..عشان الشعار الي فوق ديك..

وتنزل من غير اسامي اصحابا وننزلا للتصويت..او نعرضا لي شاعر زي ماقالت نمارق..الي بريحكم..بس بكل بساطه