بعاتبك.........

بعاتبك..

والقلب يبكي من الهجران..

كل شي فيني... عبر عن غلاك..

عيوني..قلبي..فكري ..الريشه..القلم..

نشف حبر القلم... من السفر فوق خط الأوراق

اميال من مسافات ..لاراحه ............لامحطات

وانقطع بي الطريق ....جف القلم.... بصحراء الهجر

سموم الصيف ....وعطش الروح

الخريف غزى الوجدان.......وسكت ماقدر يبوح

حسيت بيهو.......................عايز يقول شنو؟

ابكي بصمتي..

والتفت.. .واشغل النفس بسموم الصيف ..

واراقب الرياح تدحرج الشجر ... يبس زينا .... وقام أنتحر

وودع ارضو ..ومقر الزهر ...الي هجرو من ربيع العام..

وخلا وراهو بذر .. وياحزني ..مانزل مطر .

موؤود ولقا قبر..


القلم دفنو الريح ...ومابقى الا ريشتو عايزه نفس !

عايزه الهواء..

و الفائده شنو..ازا بقا يابس من جوا..

ريك وضماك كلو سوى


كوركتا بالصوت

ياريشتي والواني !....تعالي وامسحي احزاني

وارسمي لي خط من الربيع

وارسمي واحة للجميع

وارسمي مويه وغدير.. لبذره زهر يتيمه

رمتها امها وماتت جفاف ..وطار بيها الريح


قالت الواني:

خلي القلم يرسم امل

خلي يرسم سحاب

خلي يسوي اي شيْ

لان مشواري طويل حتى يمكن أجي


قلت :

القلم يودعك ..وماهو ماظاهر

...مختفي تحت الرمال هو والأمال

قالت:

انا اشكي الواني دابت من الرسوم

كلو من حبيبك الي هلكنا وراه

هو عايز كده ........دي مناهو ؟؟!!

كلنا ياصاحبي هلكنا !

ونجني ثمرة غلاك

مايهمنا احنا فداك .

لكن انت. !. ذنبك شنو تجني هلاك ؟

وبكت وجف التنر! والريشه تفتت منها كل الشعر !

واختفت بلمحة بصر

وبقيت أنا

ومشيت وخطيت جمب الغروب

واختفيت بعين الشمس

واظلم الليل وبدى صوت البكى بالوادي ليهو صدى
..

اعاتبك....
لأنك ورطتني فيك
لأنني ماعدت ارى غيرك
لأنني احببت الحب ثم كرهت الحب
لأنني ادمنت فيروز ..
لأنني عشقت نزار
لأنني لوّثت دفاتري بدموعي
لأنني نقشتك اينما ذهبت
لأنني اعتزلت نفسي


صديقتي.....من كان في عمرك لا يجب ان يعرف كلمة العتاب....
صغيرة انتي عمريا وكبيرة فكريا...
احبك هكذا ...
ثم...

اعذريني لأنني اخرجت مجرد كلمات علقت في صدري ببابك..

"هي الدنيا بالهموم قد رمتني..ورغم حداثه سني شيبتني..."

بكلماتك..زينتي ارجاء الصفحه..

وبمرورك زدتها نورا..

شاكره لك عزيزتي.....

مرورك الاروع....