اول يوم رمضان

حركة شماريه بحته مني اعرف كيف كان معاكم اول يوم رمضان


صحيت من النوم الساعه 7 الصباح امي قلت لي نومي يابت نمت صحيت 11 قالت لي نومي يابت نمت صحيت 1 قالت لي نومي يابت(كتر خير رمضان اول مره يقولوا نومي ما قومي ) نمت صحيت 3 الظهر قبل ما تقول شي قلت ليها حرم تاني ما انوم صليت الظهر ومشيت على المطبخ بعد ما اديت لفة عالبيت
ماما في شنو اعملو؟ادوني كم كيس كبير مليان عجين سمبوسه حكاية كدا بتاعت 200 وحده قالوا لي لفيها ادوني خضار مشكل اعمل منو وجبنه سودانيه بيضا اعمل جزو كرفت للجز الاخير حسب طلباتهم المهم مشيت شلت حاجاتي قعدت جنب التلفزيون لفيتهم كلهم واتلفيت معاهم خلصتهم مشيت لي ماما اعمل شنو تاني؟قالت لي اعملي التبولا مسكت الخضار ايييك جبت اجلو المهم بعد وقت كنت مخلصه التبوله بعدين مشيت عملت العصاير لما خلصت منهم رجعت حمرت صحن السمبوسه ورتبت باقي الصحون مع ماما وهي كانت عملت كل حاجه انا بس علي اختهم في الصحون وارتب الصفره فطرنا شويه مشينا صلينا ورجعنا اكلنا بعدين رتبوا الحته وجهزوا حاجات السحور ختوها على الجنبه وانا مشيت على المطبخ غسلتو وبح تقريبا يعني

غايتو لقيتك ما هينة اليوم كلو لافة في البيت ....
غايتو بعد برنامج سحور كده ..(ما تفرحي فول بس )
قعدت اقرى في النت لمن بقت 7 صباحا حتن نومتا ... صحيت 11 قلتا عشان الحق اشد البليلة ..
قمتا ابيت اقوم ..وتميت نومتي ..12 أمي الله يخليها ضربت لي ...
قاعد تقول كل سنة وانتي طيبة ولا شي بالشكل ده ...بعد شوية قالت لي انتي المصحيك شنو الصباح بدري كده
قلتا ليها يا حجة صباح شنو 12 ظهرا في رمضان .. بعدها كلمتا أختي قالت لي سبحااااان الله انتي المصحيك شنو الصباح ..
قلتا ليهم ياجماعة قولو بسم الله تلفوناتكم دي هي البتصحي الواحد من الصباح يا قولكم
قعدت أفكر أعمل شنو للفطور .. أنا لمن أمي تكون في ...شغلي بكون العصاير بس وبلحقا ليهم بعد الصلاة
ضربتا لخالتي اشحدا عصيدة لأبوي .. قلتا الزول ده ما نخرب ليهو نظامو الرمضاني..
قالت لي أنتو ما تجوا تفطروا معانا .. قلتا ليها بس وصلتي ...خلاص انا بسوي التحلية وبجيك..قالت لي وانتي المصحيك الصباح بدري كده شنو
ضربتا بعده لأبوي قلتا ليهو جيب معاك كزا وكزا وما تنسى الكزا ..قال لي كويس لكن انتي المصحيك بدري الليلة شنو


وفطرنا في ببيت خالتي فطور لذيذ والله الحق يقال لكن أنا ما قدرتا أبلع يا أنتي ..ريقي نشف من السلم بتاعهم ..تلاتة ادوار في اتنين
قلتا ليها ان شاء الله الاكلناهو ده بنهضموا في النزلة ...

وانتي صحي المصحيك بدري كدا شنو