للرجال فقط - ماذا إذا طلبتك .................

ماذا إذا دعتكَ فتاة للزواج منها ؟ هل ستوافق ؟ أم ستنتابك الهواجس والظنون ؟
هذا السؤال تم توجيهه للصحفي ( ضياء الدين بلال ) من قِبل المذيعة ( شذى عبد العال )
عبر برنامج ( الموقف ) بقناة النيل الأزرق اليوم مع العلم بأنه عنوان لموضوع صحفي
ورد عبر إحدى صحف الخرطوم الصادرة صباح اليوم
أرجو من الأخوة المشاركة والإجابة بكل صراحة و وضوح ، وخدوا راحتكم على الأخر فالبوست
واضح من عنوانه ( للرجال فقط ) يعني مافي أي ( طرحة ) حتجي حايمة بي جاي
خارج النص : قال حكيم ( من لم يتقدم إلى أمرأة أصبح ضحية لأمرأة تتقدم إليه )

طرحه..........جايه تعاين ...تحياتي

أول حاجه أنت عشان قلت طرحه تجى مافى ما حتلقى
شئ غير الطرح تانى حاجه الموضوع فيهوا إنه كدى شوف عدد المشاهدات
وعدد الردود
...
....
والله جبانين عديل كده
...
وبعدين تعال هنا من حفر حفره لأخيه
,,
أنا بوجه ليك أنت السؤال ده؟؟؟؟؟؟

بنت النور كتب:

طرحه..........جايه تعاين ...تحياتي

ما تغيبي وما تكتري الجية
مشكورة يا بت النور على المرور والمعاينة والشمشرة

تماضر كتب:

أول حاجه أنت عشان قلت طرحه تجى مافى ما حتلقى
شئ غير الطرح تانى حاجه الموضوع فيهوا إنه كدى شوف عدد المشاهدات
وعدد الردود
والله جبانين عديل كده
...
وبعدين تعال هنا من حفر حفره لأخيه
,,
أنا بوجه ليك أنت السؤال ده؟؟؟؟؟؟

الموضوع ما فيهو إن ولا أخواتا يا تماضر ، سؤال عادي وموضوع مطروح عبر الصحافة اليومية
والجماعة ما جبانين ولا حاجة بس شافوا الطِرح الحايمة دي عشان كدا زاغوا
سؤالك دا برا المقرر ، مافي خيارات