صمت الكلام فيديو

منو البقدر يشيل صمتي

ويعبّر عنو بالأحرف
ويدونو في شعاع الشمس
بالكلمات
منو البقدر يكون أحلام
وياخد من دموع عيني
ويغسل أسايا بالبسمات
متين يا ليل...
صباح الريد يطل
في دنيا أيامي
تبارح لهفة الأحزان
تبلل شوق قلب ظامي
متين يا قمري إنت تهل
وتطوي ستائر الإظلام
وتبعد سطوة الأوهام
ويسيل المد...
يهد سد الحواجز هد
تعال يا ضو
تعال يا أملي في الماضي
تعال يا رمز حلم الغد
تعال يا رقة الأنفاس
وخت البشرى في الإحساس
وزح السد
عشان ما تزغرد الآهات
عشان ما تكتر البسمات
وتمتد في المدى وتمتد
تجينا البهجة تتشابك
تهاجر في المقل أفراح
وتنزاح الهموم تنهد
ونرجع تاني للأحباب
نهدّي النبض والأعصاب
ونزرع تاني جنب الباب
شجيرات الوئام والود

برااااااااااااااااااااااااك تقدر!!!
براك بتزيح غماماتك
براك وفي شدة الضلمه
بتلقى بصيره في ذاتك
براك لو درت تتكون
بتتكون
بتتهون
وتزرع حب جناتك
برااااااااااااااااااااااااااااااااك تقدر.....................مع مد الالف...

وبرضو.....تعال يا ضو