كلمات الاغاني السودانيه...

صه يا كنار وضع يمينك في يدى
ودع المزاح لذي الطلاقة والرد
صه غير مأمور وهات هواتنا
كالارجوانة وايل غير مصفد

واعمد الى دمك الذكي فجد به
فابذل حياتك غير مغلول اليد
واسبق رفاقك للقيود فانني
ايقنت ان لا حر غير مقيد

صه يا كنار ودع يمينيك في يدي
فكأن يوم رضاك ليلة مولدي
انا كم رعيتك والامور عصية
وبذلت يا سودان ما ملكت يدي

ودع بدمعك من تحب فانني
انا ان دعوتك لن تعيش الى غد
فاذا صغرت فكن وضيئاً نيراً
مثل اليراعة في الظلام الاسود


أنا لا أخاف من المنون و غيبه
ما دام عزمي يا كنار مهندي
سأذود عن وطني و أهلك دونه
في الهالكين فيا ملائكة اشهدي

الشاعر اللواء/ محمود أبوبكر

رائعة عمر البنا
مالو لـو فـي بعـض الاحيـان
تسمح لـي صحـوا أراك عيـان
زورني يا حبيبي انا عيان
تاخذ يا حبيبي عـن حالـي بيـان
عسى تبقي قلوبنا في الغرام سيـان
زورني يا حبيبي انا عيان
في الطيف وفي صحيان
زورني يا حبيبي انا عيان

يا الفريد في حسنك و بهجة أمدرمان
لي من شوفتك يا حبيبـي زمـان
أنا ساهر و نـوم عينـي حرمـان
و إنت بين أترابك في نعيم و أمـان

النحول علي جسمي يا حبيبي بيان
و إنت جسمك نامي و بالنعيم طربان
لو رأك الناسك المـن الله جبـان
بيك يفتن و يصبح بالغـرام تعبـان

قبل حسنك قط ما رأيـت انسـان
فاق العسجد لمعة و الحريـر لمسـان
كيف يحصر وصفك يا حبيبي لسان
و البان إتعلم من قامتـك الميسـان

ما الـدرر لثنـاك ما بنـت ألحـان
للمـاك و آيـة نفحـة الريـحـان
إنت حسنك كامل لكـن لمحـان
خدك قاسـي و قلبـك ما حـان

بدون رسائل

كلمات/ الشاعر سيف الدين الدسوقي

الفنان/ الراحل احمد الجابرى


مافى حتى رسالة واحدة بيها أتصبر شوية

هل يجوز والغربة حارة بالخطاب تبخل علىّ

لما أخر مرة شفتك قبل ما أودع وأغادر

كنت حاسس أنى خائف إنى متردد ..وحاير

داير أتصبر أمامك داير أضحك ومانى قادر

بس دموعك لما فاضت ضيعت صبرى الشوية

وصحت موعدنا الرسايل وين رسايلك وين كتاباتك الىّ

وصرت بعدك يا حبيبى ذرة فى بحر الزمن

بعت للتجار مواهبى بعتها بابخس تمن

وحشة ما بتعرف رسايل وغربة عن أرض الوطن

بس أمل واحد بعيشه لو رسالة تصل ..إلى

بيها أطمن عليكم وتنقذ الموقف شوية

من عتابى أظن عرفت إيه مكانتك فى فؤادى


أنت يا فجر المحبة تستحق شوقى وسهادى

أنت صورة ماضى أبيض ولوحة بتمثل بلادى

بس حرام تبخل علىَّ وتنسى ما ترسل هدية

حتى لو كلمة أحبك في خطاب مسرع إلىّ

أعذريني الدمعة دي حتبقى أخر دمعة لي.......
وتاني لو قربت منك يبقى ليك الحق علي .......
أعذريني محال أعاود تاني ريدتك وأمشي ليها ...
ولا أسرح في عيونك والطفوله الضاجه فيها .......
ليه أريدك وإنتي أصلك ريدتي ما حسيتي بيها ......
بالبعاد ما تعذبيني أعذريها ....... وأعذريها

أنا ماقدرته مره واحدة بالغلط أغلط عليك .......
وأنتي عمرك كله ظالمة والدليل غفراني ليك......
أنا عارفوا قلبك ما معايا وبرضي شاغل روحي بيك ......
بالحنان ما تعشميني وأعذريني .... وأعذريني

من زمان وأنا راجي منك كلمه بيها تفريحيني .....
وأنتي ما فرحتي قلبي وكنتي ديما بتجرحيني......
قسمة الزول ما بتفوتوا والبجيني معاك بيجيني .....
لو بكت منك عيوني سامحيها ....... وأعذريني ......

ود الامين طائر الاحلام

يا مُنىً ..أهدي إلى المهجة أنفاساً وعُمرا
أهرقت دُنياك في دُنيَايَ أنغاماًً وسحراً
وتَذوَقتُ غراماً منكَ مَشبوباً ومُرا
يا هزاراً رائعُ الطلعة فَتاناً أغَرا
فَجرَ الألحانَ في قلبي إعلاناً وسرا
يا صَباحاً فَتقَ الآمال في الخاطر زهرا
ونَدى يُدفقُ أشواقاً ويغرورق عطرا
يا جناحاً طَوَقَ الأضلاعَ أفراحاً وبشرا
يا شراعاً أوصَلَ الزورق للشاطيء فجرا
ما الذي أهديه إلا ذوب اضلاعي شعرا
وافتتاني واندفاق أغاريديَ خَمرا
قد تنَعَمتُ عَطاءأً منك ثَراراً روياً
وحُنُواً هَدهَدَ الآلام رَفرَافاً نَديا
يا عيوناً كاليَنَابيع شُرُوداً وابتساماً
نَبعت في حَقل أيامي رَبيعاً وسَلاما
وقواماً كالأهازيج تَثَنى وتَسَاما
وانسياب الشَعر مَرأى بيدر صَلى وناما
يا عُيوناً كالغناء العَذب في دفيء العَشية
يا عُيوناً مثل صُبح العيد في الدار الحفيه
كانت الفرحة في قُربك أعراساً من الضوء
وكان الشعرُ طفلاً غَسقيا
فتَبنَاهُ المُغني
وحَباهُ من بريق النَغَم الوَهاج كالبلور زِياً
ورعَى الأزهارَ في كلتا يَدَيه
ثُم ضَاع الطفلُ يا رَباهُ من بينَ يَدَيا
فَتَلَهَفتُ عليه
ومضَى الزَورَقُ بالملاح جيلا
كان الإعصَارُ والبحرُ عَتيا
هكذا دارت بنا الأيامُ
يا طائرَ أحلامي الزَقَاليل
ويا طَلق المُحَيا

الحلنقي انت مافي غناء فرفور


انت مافي .
. اي حاجة بتبقى مافي
الشمس تلقاها مافي
والبحر من غير مرافي
والمدن بتكون منافي
والحبيب يبقى جافي
العسل ما ببقى صافي
وانت مافي

انت مافي الروح تفارق
ويبقى موج النيل مفارق
الشروق ينسى المشارق
والنسيم لي الروض يشاهق
والصباح ما ببقى شارق
وانت مافي

انت مافي منو البسالم
ويبقى من الامو سالم
الزمن يصبح مظالم
والحنين يبقى ظالم
وتمسح الأحزان عوالم
تفتح الاحزان عوالم
وانت مافي

انت مافي الناس تغيب
والحبيب ينسى الحبيب
الدمع يصبح قريب
والطبيب ما ببقى طيب
كيف يكون في الدنيا طيب
وانت مافي