يا بت مغربلة من ملاك..!!

يا سرمدية على زمان..كل العصور
الما بتحن فيها النوارس للبحر..

يا مستحيلة على نطاق كل العقول ..
الما بتشوف ..غير الخدود..أو ثغرك المكتظ ثمر..

يا صعبة..في اللاوعي.. مفعم بالخيال..
والعالم المرسوم..حلم..
في عيون مهضرب بالجمال..

يا سهلة.. لي الله الرضاك
تبقي الخليقة الحلوة في خلقو الجمال..

وشاهقة من كل الجبال..
واجمل من ببيوت الطين..

جواك اصخب بيت عرس..
يا اهدأ من نور نجمة في جوف السنين..

مجبورة.. يا كل القصايد تركعي..
في بت مغربلة من ملاك..

محسوبة خطواتك على وصف البنية تكون هلاك..

يا بت مغربلة من ملاك..
وريني كيفن اوصلك..

دليني يا بنية..
تمن ابتسامك ايه ..
خية الحزن حراق ..
حرقني بي نار ..
ابقي الغيوم في الحر..
والكسرة والموية ..
موية الدهب لونك..
غناي ومجنونك ..
دليني شان اروى..
من يم على عيونك ..
دليني كان تهت..
في الحر ..وضليني ..
في الليل تضويني..
في البرد غطيني ..
يا قرمصيص وعدك..
كيف ابقى من بعدك ..
سويني في قلبك..
بي اي شئ راضي ..
ان حتى خدامك..
خلفك وساندك تب..في العترة قدامك ..
ايامي كملت حب .... تبقالي ايامــــك ..

يا حنان الاب ويا ملمس حبيبة..
يا دعاش الناس..
ويا صوت القماري.. لما تتهافت على ترنيم..
مناحة.................................
يا اقوى من الشوق..
....................................واصدق من نصيحة..

شكرا يا امير
ومرحب بيك هنا وهناك




الود ده محل ما الف القاه

يا ود انت رونالدينو؟؟؟؟؟

جواك اصخب بيت عرس..
يا اهدأ من نور نجمة في جوف السنين..



كلماتك لا يستطيع الشخص مقاومة جمال نسقها
لقد جعلت من التناقض أجمل صورة
دمت

تماضر كتب:

جواك اصخب بيت عرس..
يا اهدأ من نور نجمة في جوف السنين..



كلماتك لا يستطيع الشخص مقاومة جمال نسقها
لقد جعلت من التناقض أجمل صورة
دمت

ياخ والله الليلة اتقطعتي عديل معاي!!!!

يا اخوانا تماضر اصلها بس (اقرسف) معاي!!

دمتي انت يا سيدتي ولو ما جواك ما كنت حسيتي بي جمالو مهما كان جميل !!!

اقول ليك حاجه...................................................اغتلت الكلام بعدك........................................
خارج نطاق الشبكه من الدهشه............ز!!!!