وانا يمة برضو بكون براي .. !!

فجأة... وبقيت براااي...

كل الشوارع ما بتودي الى الفريق..

كل الاماكن قد تبشر بالضيــــــــاع....

كل الوجوة.. ممسوحة بي حمرة وبياض..

كل التقاسيـــــــم مبــــــــــهمة

كل الوجة السمرا عادت كالخيال

كل الذين الفـــــتهم... قاعدين هناك.. وانا بي هنا

لا نوم ضحى .. لا قهوة لا لمة صحــــــاب..

لاشمس تحـــرق لا هجـــــير

لا جوطة في البصات ... ولا لمة نفـــــير

لاطين و خور مقــفول وسبلوقة بتخر

لا يمة : صحيني الفجر ..!!!

:: لمن نصحيك ما بتقوم !!!

انا يمـــــــــــة هـســــــــه ولاااا بنـــــــــــــــــــــــــــوم ..

شايل السهر

امرق وابحلق في الضلام .. يمكن الاقيك اشكي ليك

مر الهموم ..

في غربة حاااارة كما السموم...

كل البلاقيو هو الفراغ.. كل الفراغ..كل ال ...فراغ

انا وحدي صاحي مع الكلاب

ارجع على فرشي واقبل بي وراي

انا يمة كملت السهر

الليل بخافو كما الجهال.. برجف اذا المغرب دخل

شايل السهر .. اتوسد اشواقي وابحلق

في عيونك لو اشوف ... شوقي بيصل !!!

اشتقت والشوق نصو خوف ..

لو بس متين .. تصبح وافرتق من هنا

ويطلع.... بعد شهر الصباح.. واطلع انا

خلقا كتااار...... والزحمة في كل الشوارع والزلط

بالرغم من حر الشمس ....... كل الشوارع مظلمة

وانا يمة برضو بكون براي .. رغــــــم الزحـــــــام

اقتباس :

وانا يمة برضو بكون براي .. رغــــــم الزحـــــــام

يااااااااه....لامست الوتر الحساس...فنزفت المقل....
همسه.......اشتاق ان اولد من جديد...بعيد عن هنا....بقربهم وحدهم......

صـ مـ الوجدان ـــتـ...

شكراً لي... كفاية استيقاظ أشجانك..!!

و دمتي يا تماضر والله..!!