لو في طريقة انو ما يدخل النار....!!!!!!!!!!!!!!!!!!!!!!!!!!!

سلامات للجميع...

عندي احساس ما عارف نوعو شنو بس خليط كتير
فرح وشفقة وخوف وزي الف خمسمية وتمنتاشر حاجة كده
بس عاوز التاس تحاول تحسو معاي عشان استفيد من عقولهم
واذا في زول جربو قبل كده يحكي لينا اتصرف كبف

المشهد:

زول أو زولة علاقتك بيهو كويسة شديد
عرفتو قبل اقل من ستة شهور
وواصلت معرفة لانك حسيت انو زول بيستاهل
تعاملو راقي لي حد ما بيوصف
بيسأل عنك دايما...بيحاول يلبي اي حاجة يشوف انك محتاج ليها
اذا عندك مشكلة بيحاول يقترح حلول
واذّا هو احتاج لي حاجة بيجيك قبل ابناء بلدو
بيحكي ليك عن الوطنية وعن افكارو في اسرتة
وهو ناوي يعمل ليها شنو وشنو وشنو
بيحكي ليك عن انو هو ملتزم شديد في صلواته
وحاسي انو علاقتو مع ربنا جميلة شديد وانو ربنا بيحبو شديد

بس المهم اتخيلو معاي اجمل الناس الاقيتوهم في حياتكم

واتخيلو بعدها طوالي انو الزول ده
مسيحي او هندوسي ..................................................

بيجيك احساس اول بالرأفة تجاهو وانو مسكين بعد ده كلو حا يدخل النار مباشرة
وتاني تحس بانك محظوظ شديد لانو دينك هو الدين الاوريجينال
وتحاول تكلمو عن الاسلام وجمالو... تصتدم بي حاجتين
الاولى ثباتو هو على دينو بيشبه ثباتـك لو زول دعاك للمسيحية او الهندوسية
والتانية تفاهتك انت في معرفة تفاصيل الدين وعدم مقدرتك على اقناع الطرف التاني
بطريقة قوية (بتحس بانو ثباتك على الاسلام زي"وجدنا اَبائنا")
وتطوف في راسك خيالات عن يوم القيامة وعن انك حا تشوفو من بعيد وهو في النار
وبيعاين ليك بي حسرة وعتاب لانك ما حاول معاهو اكتر عشان توريهو الصح
وتحاول تاني بس تصتدم بي نفس الحاجات

والزمن يمشي وهو يرجع لي بلدو او تكون انت راجع لي بلدك

ويجيك احساس عارم بانك ما بتستاهل موقعك ده من الاسلام
وانك افلت زول كويس من يدك وانت على طرف هاوية.. ووقع في الهاوية دي
لانو انت يدك ما كانت قوية كفاية عشان تثبتو معاك
والمشكلة لو هو حايموت في الهاوية دي كان اهون
بس هو ما حا يموت وحا يظل يتألم بي السقوط الشنيع ده للابد

الكلام كتير بس انا عندي امتحان

بس اتخيلو معاي ووروني ممكن الزول يصرف كيف؟؟؟؟
وكمية المسئولية تجاه الناس المامسلمين ديل قدر شنو؟؟؟؟؟



لو ربنا اداني عمر بجي راجع تاني..................................................

ود الموية كتب:

سلامات للجميع...

عندي احساس ما عارف نوعو شنو بس خليط كتير
فرح وشفقة وخوف وزي الف خمسمية وتمنتاشر حاجة كده
بس عاوز التاس تحاول تحسو معاي عشان استفيد من عقولهم
واذا في زول جربو قبل كده يحكي لينا اتصرف كبف

المشهد:

زول أو زولة علاقتك بيهو كويسة شديد
عرفتو قبل اقل من ستة شهور
وواصلت معرفة لانك حسيت انو زول بيستاهل
تعاملو راقي لي حد ما بيوصف
بيسأل عنك دايما...بيحاول يلبي اي حاجة يشوف انك محتاج ليها
اذا عندك مشكلة بيحاول يقترح حلول
واذّا هو احتاج لي حاجة بيجيك قبل ابناء بلدو
بيحكي ليك عن الوطنية وعن افكارو في اسرتة
وهو ناوي يعمل ليها شنو وشنو وشنو
بيحكي ليك عن انو هو ملتزم شديد في صلواته
وحاسي انو علاقتو مع ربنا جميلة شديد وانو ربنا بيحبو شديد

بس المهم اتخيلو معاي اجمل الناس الاقيتوهم في حياتكم

واتخيلو بعدها طوالي انو الزول ده
مسيحي او هندوسي ..................................................

بيجيك احساس اول بالرأفة تجاهو وانو مسكين بعد ده كلو حا يدخل النار مباشرة
وتاني تحس بانك محظوظ شديد لانو دينك هو الدين الاوريجينال
وتحاول تكلمو عن الاسلام وجمالو... تصتدم بي حاجتين
الاولى ثباتو هو على دينو بيشبه ثباتـك لو زول دعاك للمسيحية او الهندوسية
والتانية تفاهتك انت في معرفة تفاصيل الدين وعدم مقدرتك على اقناع الطرف التاني
بطريقة قوية (بتحس بانو ثباتك على الاسلام زي"وجدنا اَبائنا")
وتطوف في راسك خيالات عن يوم القيامة وعن انك حا تشوفو من بعيد وهو في النار
وبيعاين ليك بي حسرة وعتاب لانك ما حاول معاهو اكتر عشان توريهو الصح
وتحاول تاني بس تصتدم بي نفس الحاجات

والزمن يمشي وهو يرجع لي بلدو او تكون انت راجع لي بلدك

ويجيك احساس عارم بانك ما بتستاهل موقعك ده من الاسلام
وانك افلت زول كويس من يدك وانت على طرف هاوية.. ووقع في الهاوية دي
لانو انت يدك ما كانت قوية كفاية عشان تثبتو معاك
والمشكلة لو هو حايموت في الهاوية دي كان اهون
بس هو ما حا يموت وحا يظل يتألم بي السقوط الشنيع ده للابد

الكلام كتير بس انا عندي امتحان

بس اتخيلو معاي ووروني ممكن الزول يصرف كيف؟؟؟؟
وكمية المسئولية تجاه الناس المامسلمين ديل قدر شنو؟؟؟؟؟



لو ربنا اداني عمر بجي راجع تاني..................................................

و الله إتخيل كلامك ده كله صاح لكن داير أقول ليك حاجة إنت عارف أنا عرفت كريستيان كتار إتصور إنهم تعاملهم راقي بصورة تحيرك فعلا و بتحس بصراحة إنه ما في ذول مسلم بالذوق ده و الرقي في المشاعر الإنت ممكن تحسه من زول مسيحي و بعدين انت ما تنسى انه الله ما كان غالبه يخلق الناس دي كلها مسلمة لكن لأ خلى كل زول براسه الراسه بقول ليهوا الاسلام يسلم و الراس بيقنعه بالمسيحية ينضم ليهم و بعدين حكاية المسئولية دي كبيرة شديد لأنه الغير مسلمين ديل متمسكين بدينهم بصورة عجيبة خلاص و أسال مجرب أنا شخصيا جربت كتير أقنع جماعة بعرفهم انهم يسلموا و لقيت انهم كان اتطبقت السما و الواطة ما بيقدروا و العجب الجماعة الهنود الهندوس لانه ديل كان اسلموا و رجعوا بلدانهم لاهلهم بيقتلوهم عديل فحكاية المسئولية دي خليها على جمب!

كل من احبه اتمنى له نعمة الاسلام...

انا عارف.. انك لاتهدي من احببت

بس نحن مسئولين من الناس ديل قدام ربنا..

اتخيل لو ما كان اهلنا مسلمين.. كنت حا تقول لي كل زول بي راسو

والله بالشايفو في السودان ده ما كنا اسلمنا ابدا

انا كل يوم بحمد ربنا على نعمة الاسلام دي

وعلى اني لقيت اهلي مسلمين..

بنت النور كتب:

كل من احبه اتمنى له نعمة الاسلام...

ما تتمني بس يا بت النور... حاولي يمكن ربنا يعتق بيك زول من النار

ولو ده حصل انت اكيد ما حا تخشي النار.. لانو رسلنا (ص) قال:

{ أيما مؤمن أعتق مؤمنا في الدنيا أعتق الله بكل عضو منه عضوا منه من النار }

اتخيلي نفسك هناك وعندك الحسنة دي تحاجج ليك عند ربنا

الحمد لله انك مسلمة.. وربنا يهدي الناس كلها..