سماعة البلوتوث

و الله العظيم غايتو دي حاجة عجيبة خلاص سماعة البلوتوث دي كلام فاضي خلاص الليلة قابلت لي واحد مجنون عدييييييييييل كده بسبب سماعة البلوتوث دي يعني هو بالحاصل في العالم المجنون ده الناس بلا شي يا الله يا أمين خليه يعملوا ليهم إختراع ذي السماعة دي!!!!!!
تلقى الواحد في المكتب و الجامعة و الشارع حايم يكورك ذي المجنون (أي أنا جمب الكبري و هو يكون في المحطة،إنت مالك و ماله يسوي الدايره الحاشرك شنو إنتي،أنا ما عارف أعمل شنو من غيرك)لأ و كمان الحكاية بصريخها تعاين ليه من بعيد تحلف تقول مجنون لمن تقرب تلقاه حاشر السماعة الصغيرة تتفرج و تقعد تضحك يعني و الله غايتو حكاية غلايبة لا و العجيب كمان تلقى ليك واحد ماسك الموبايل بيده و حاشر السماعة في أضانه طيب الفايدة شنو هي عملوها عشان تختصر شغلانة المسك دي أنا شخصيا شايف إنها كلام فاضي و إختراع ما ينفع معانا و لا ما كده يا شباب!!!!!!! lol!